mood: antok na music: Ocean Breathes Salty- Modest Mouse

Hindi ko masyado nagustuhan ang araw na `to nung maliwanag pa. Umuwi ako agad pagkatapos ng last subject ko. Ngarag na sa sobrang pagmamadaling maka-habol sa pasahan ng mga papel sa Philo. Mga alas singko bente kumaripas na ko ng takbo pabalik sa Beda, mabilis na ang 30 minutos para makarating doon. Ang problema alas sais ang pasahan ang akala ko nga di uubra pero naka-abot din naman.

Pagka-pasa ko kumalma na ko kaya dumeretso na ko sa library para manggulo. Halos maubos ko ang mga libro sa Filipiniana section kasi hinahanap ko yung librong di ko natapos basahin. Yung Forbidden Fruit, Women write the erotic! Mga 6:30 na non kaya nagtanong na ko kay ginoong librarian kung ano ang closing time nila, may dalawang oras pa ko kaya ayos pa. Enjoy dun kasi ako lang talagang mag-isa wala na ring gaanong tao na kilala kasi mga upper class men na lang naman yung mga nagkaklase ng gabi eh. Hindi ako umupo dun sa may lamesa dun lang ako sa mismong Filipiniana section at umupo sa tungtungan ng mga mabababang nais abutin ang mga librong mas mataas sa kanila. Pinunasan ko na lang para malinis kung sakaling nagamit man. Lagi kong tinitignan ang relo kasi ayoko pang umalis. Pero ewan bago pa man mag-time ay umalis na ko. Hiniram ko na lang pauwi ang librong binabasa ko kasama na rin ang dalawa pa. Bulaklak ng Maynila at isang volume ng C. Palanca.

Pauwi, ang sarap ng lakad ko feel na feel. Ewan. Maganda lang talaga ang gabi. Hanggang sa maka-abot na ko sa Legarda, sa kanto nun, may isang maliit na tindahan. Bumili ako ng isang stick ng yosi at tumambay muna doon. Maganda ang gabi, lalo na noon sa maynila kaya di muna ko umuwi.

Sa totoo lang ngayon ko lang nagustuhan ang lugar na iyon, madalas kasi dinadaan daanan ko lang yun at minsan na rin sigurong natapilok.

Naupo ako paharap sa two-way na Legarda. Sa ilalim ng riles ng tren, kahilera ng mga taong nagmamadali ng umuwi, sa naaaninagan ng mga ilaw ng mga gusali. Nakatutuwang panoorin ang mga taong nagdaraan sa likod ng mga usok na ibinubuga mo.

Pag may dumaang mama na naka-suot ng itim na pantalon ay aalis na ko, syempre pagtapos ng isang yosi.

Si manang sa tabi, nagiging conscious pa rin pa la. Ngayon ko lang natitigan ang isang pulubi ng ganoon. Magkalapit kami di dahil nadaan ko lang kundi dahil ayun tambay. Yung tipong detalye ng kasuotan niya ay pinagtuuan ko ng pansin na suriin pa.

Umalis na rin ako pagtapos ng isang yosi at pagdaan, hindi ng naka-black pants kundi black shorts. Pwede na yun gsto ko ng umalis nagdaan na kasi yung isang tren. Na-excite ako.

Sa Lrt station nabdtrip ako kay guard. Pinatayo kasi ako sa masarap na pagkaka-upo ko eh. arrgh Hay, ok na yun. Naka-tatlong tawag na ko kay Anje busy pa rin. Mukhang di pa tuloy ang date namin bukas ah